ENCONTRO CON ANDREA MACEIRAS

Hoxe o club de lectura de 1º de ESO asistiu a un encontro coa escritora ANDREA MACEIRAS no IES "Monte das Moas". Como xa vos informamos nunha entrada anterior, fixémoslle as preguntas que preparáramos na última sesión do club. A escritora respondeu a todas de xeito afable e cun espíritu moi cercano. Desde aquí queremos facerlle chegar o noso agradecemento: GRAZAS, Andrea, polas túas respostas e simpatía. Seguro que non pasa moito tempo ata que nos encontremos con outro libro teu.

Charla con Andrea Maceiras

Un alumno noso facendo unha pregunta á autora

Un alumno noso falando da súa afición pola escritura

A autora asinándonos un exemplar do seu libro para a biblioteca

Preguntas sobre "Miña querida Sherezade"

Éstas son as preguntas sobre o libro Miña querida Sherezade, que limos no club de lectura de 1º de ESO neste 2º trimestre, e que queremos prantexar á autora no encontro que teremos con ela mañá martes ás 11.30 no IES "Monte das Moas".

-Por que escolliches o libro “As mil e unha noites”?

-Como se che deu en poñer “un libro” como narrador?

-Existe en realidade o Hotel Imperial en Cuba?

-Cal é o teu personaxe preferido das Mil e unha noites, despois de Sherezade naturalmente? Nós pensamos que é Aladino, non si?

-Dos propietarios por cuias mans vai pasando o libro, cal é o teu favorito?

-Ti na túa casa les todos os libros ou tes alguns que padecen “o mal dos libros acurrunchados”?

Informaremos sobre dito encontro neste blog.

Comentario de "Cando Hitler roubou o coello rosa""

Tes un momentiño? Quéroche recomendar un libro...."Cando Hitler roubou o coello rosa". Trata a época na que os xudeos foron perseguidos polos nazis  alemáns. Está baseada nun feito real: é o que lle sucedeu á autora, Judith Kerr, pero cambiando os personaxes. O libro está dividido en 24 capítulos, a lectura é moi amena aínda que a historia é bastante triste.

Anna é unha nena xudea que vive coa súa familia. Cando os nazis, con Hitler á cabeza, gañan as eleccións, vense obrigados a fuxir, primeiro a Suiza, logo a París e despois a Londres. O título do libro fai referencia ao xoguete preferido de Anna. Cando teñen que saír da súa casa, a nena ten que elixir un so xoguete e escolle o máis novo, un can de lá, en lugar do seu compañeiro de toda a vida, o coello rosa. Porén, xamais o esqueceu, e chega a soñar que Hitler, grazas ao seu coello, se converte nun home bondadoso.

AMAYA VIQUEIRA TODEA (1º de ESO D)